Husky之死

西伯利亞雪撬犬是一種原產于西伯利亞東部的工作犬。體重介於25~55磅(16~27kg)之間，身高大約20~23.5英寸(51~60cm)，是一種中型犬。
由於有着能在北極嚴寒環境中繁衍生息的能力，西伯利亞雪撬犬是一種適應力很強的犬種。它們最早是由西伯利亞東部的楚科奇族部落居民飼養，用於狩獵馴鹿，拖曳雪橇或者照顧幼兒使孩子們遠離寒冷。

相信養狗o既人都無可能唔識呢種狗,至少都可以講到個名o卦,話明係雪撬犬呀嘛,即係應該生活o係雪地或者寒冷地方啦!點解你三十幾度拖佢去晒太陽呀!熱到伸晒脷,仲要慢慢同佢影相,係唔係影遺照呀!不如你同我着件羽絨企定定,我同你影啦!都唔係第一次見D人大熱天時出o黎'晒'狗啦.又有一次,見到有條友拖住隻又癡肥又有皮膚病o既Husky,真係火都o黎埋.虐畜呀!仆街!

極端o黎講,西伯利亞負三十幾度,香港就三十幾度,溫差成六十度,條數係唔係o甘計就唔知,但係見到佢地就好辛苦,我個心就好痛好痛.

A3

早幾年在街上見過呢款車後,我就已經好肯定佢一定係我第一架車.舊款o既A3 1.8 並唔係用呢款面罩,要高一級2.0先會用.但係2007年出新款A3全部都統一晒,真係開心到唔知講乜好.

好鍾意hatchback,好流線型,面罩同頭燈都好惡,反應又快轉彎又咬地.作為一個新手,初時真係比佢既馬力同反應嚇親,覺得好難駕馭.不過,好彩有Don兄睇住,如果唔係有佢,我都唔敢買呢隻怪獸.

7月14日考牌,7月24日有正式牌,8月16日新車落地.一切都太快,好似發左場夢.

特別鳴謝: 1.魚外父幫我搵保險同埋sales,多謝多謝

2.Don兄送出超平面廣角高清立體一百八十度全景象倒後鏡

3.Don夫人送出極速急凍冰封三尺絕對零度保冷箱

4.魚兄送出超柔順幼細幼滑納米除塵除污除乜除物洗車綿及洗車布

5.老婆送出......Melody四隻

多謝晒!

$$$$

面對日漸龐大的醫療開支,政府想出以醫保去減輕負擔,推出來咨詢的幾個方案全部都有問題,市面上全部都係反對聲音,一定無可能通過.首先,要從市民身上要錢,一定無人支持,而且對納稅人非常唔公平,一般打工仔又要供強積金,又要交稅,又要供醫保,咁重有幾多錢去生活?第二,保險公司唔會做蝕本生意,究竟我供既錢,有幾多真係用得番,要佢賠既時候會唔會出古惑?第三,政府要人強制供款,剝削市民選擇其他保險公司既權利.
其實呢個爛局,罪魁禍首就係醫管局,想當年條仆街主席吳光正話乜野customer service,樣樣都比最好,乜服務都有,病人係我地既customer,連醫院都裝修到酒店大堂一樣.大佬呀!你宜家唔係做生意呀,而且你根本都唔識做生意啦,有乜可能比幾十蚊會有幾萬蚊既服務呀!一向以來政府都提供足夠醫療服務比市民,社會上雖然時有不滿聲音,但係都無演化為矛盾衝突,由呢條契弟開始,社會風氣開始改變,加上傳媒推波助瀾,個個都當自己係VIP,個個都要最好最快,醫唔好就係醫生護士有錯,講權利就大大聲,義務就無人理.權利與義務根本就係西方社會既概念,中國人本性貪婪自私,學人講權利?
宜家阿公乾塘,但係個個都食大個胃,真係要引用楊永強金句:「D錢邊度o黎呀!天跌落o黎呀!」

永別朋友仔

四樓平台有好多野貓,大部份都好怕人,但係有一隻好乖,我亦經常餵佢.不過唔見佢已經成個月,起初以為死左,但近日見到漁護處放貓籠捉貓,已經心知不妙,再問管理員發生乜事,原來有住客投訴貓叫好嘈,隨處大小便影響衛生,所以管理處搵人捉貓,聽講已捉去六,七隻.前幾日我偷偷放了一隻,昨日又有一隻中左陷阱,但管理員可能知道我放貓,不夠一分鐘已走上平台巡視.希望朋友仔醒醒目目,唔好比人捉到.
人係自私,自大.唔去反醒自已亂拋垃圾,污染環境.唔去反醒自己開大Hi-Fi,大聲講電話會騷擾他人.卻要怪責其他動物順應自然規律.呢個地球唔係只有人一個物種,重有千千萬萬種生物去維持生態平衡.都市化,舊區重建已經霸佔其他生物既生存空間,例如燕子無地方築巢,街貓無處容身.人類作為萬物之靈,有高等智慧,理應有責任去保護其他生物免受傷害,但大部份人只當其他動物係工具,食物.
中國大陸鼠患嚴重,其中重要原因係中國人喜歡食蛇,大量蛇被捉,老鼠無左天敵,自然大量繁殖,我相信人類會有報應,會在漠視生命的國家開始.

大學生

前日搭小巴, 有一對MK look男女坐我前面, 條女都算好樣,但係一開口就嚇死你,又有小又有西,就算市井如我亦羞於在公眾地方講呢兩個字,母語教學真係成功......粗口呢part.再聽落去,兩條友講乜hall物hall.哦!原來你兩個係大學生
昨日去老麥買野,收銀同廚房都超慢,唯有企開慢慢等.有三個全副裝備o既棒球小子,落完order又唔行開,企係counter前攪攪震,又話要人比杯汽水先,死吹爛吹,其中一個仲大大聲同朋友講 '唉!我好X燥呀'.望下佢件jacket大大隻字寫住'The University of Hong Kong'同埋唔知乜交叉Hall.哦!原來你地係大學生
住左西環八年,見盡唔少大學生,通常佢地都係拖/攬住條女/仔,一係就渣住碌棍/球拍/波/?網/遊戲機/煙, 硬係見唔到有人渣住本書.
讀到去大學,大部份都過左十八歲,做左十八年人,讀左o甘多年書, 雖然書本唔會教你點做一個有修養o既人,但係基本禮貌都應該要識啦.公眾地方唔好喧嘩,人多就唔好推推撞撞,唔好週街講粗口......作為納稅人,見到D錢比左呢班仆街,個心真係好痛 ga.

十年前

十年前去完長沙灣做project, 跟住無啦啦影左幅合照, 呢張應該係最早期o既合照,我諗你地應該無 ,真係時光飛逝, o甘就十年.

朋友, 為左保障私隱所以唔出樣, 用甘小文畫風遮一遮算啦

具子陽宮周賓o者o者o急

請細看上圖十秒

跟住話我知有乜感覺, 有無覺得好high, 隻手係唔係開始伸入條褲有所動作

我敢代表全世界99.99999%0既人講, 睇左呢兩幅圖係無可能有感覺.

但呢個亞洲國際都會-香港 裏面有一間中學, D老師校長可能睇完呢幅圖之後覺得非常亢奮, 男就下體充血, 女就面泛紅霞. 所以佢地為左D學生好, 派發新課本時要求書商將幾頁撕走,裏面有人體圖同生理知識, 話初中生唔適合太早接受性教育. 呢單o甘膠o既事係早幾日睇報紙先知道.

義和團後人, 道德塔利班部隊日漸強大, 再加上盲光社,廣管局呢一類機構裏應外合, 先後引發大衛雕像,書展封面等等令港人蒙羞事件. 言論自由不斷被扼殺,創作空間日漸減少,宜家連下一代接受正確教育o既機會都無埋. 你越要禁,班o靚仔就越想知,但係無人去引導,結果行左條歪路.

唉!可能遲D去大快活叫個"o者o者"雞煲, 或者去百貨公司買個"o急", 都可能比人話不雅,引起不安.