細佬! 掂呀!

四弟終於考到入境處, 全家人都好開心.
呢條友早幾年前又逃學, 又唔返屋企, 又食煙飲酒, 個頭整到古靈精怪, 又瘦又乾.
做大佬又鬧又勸都無用, 畢業後轉左兩份工, 成日都懶懶閒. 上年開始話考海關, 結果唔得. 估唔到今年比佢考到入境處, 條友起勢操, 本身佢都高過我, 而家重要大隻過我, 成個人醒神哂, 見到都開心.
想當年佢得幾歲, 老豆老母去左兩日旅行, 條友傷風發燒, 成晚要睇住佢, 又探熱又餵藥. 眨下眼又廿年. 有一次同佢落街買野, 佢好開心想拖住我, 但我見到friend 要 social, 所以鬆開佢隻手叫佢自已行, 宜家諗起都好後悔.
希望佢生生性性, 比D心機做, 有份政府工好幸福啊!