新年快樂

伯母今日送左蘿蔔糕比我,未行到廚房已經聞到香味,賣相亦一流,色彩非常豐富.見到伯母為我切蘿蔔糕o既時候,忽然覺得好感動.因為我收到o既唔止係一件糕點,仲有長輩對自己o既關懷,心意.
細個o既時候過年要幫手打掃,預備呢樣o個樣,覺得好悶,好煩.又要同唔熟o既人拜年.但年紀越大,就越懷念以往o既熱鬧,一家人開開心心食飯,睇戲......
希望人人都會珍惜同家人相處o既時間.再一次多謝伯母.

一家人

因有信件要取回,今天放工後回青衣老家吃飯.很久沒有和家人相聚,雖然只是短短數小時,但感覺很溫馨.與三弟談談工作,攝影.四弟放工後和他打了幾場winning eleven.四弟很想我留下過夜,但我明天要返早班,迫不得已要離開.妹妹也老了不少.回想他們兒時白裡透紅的臉蛋,現在己經多了一份凔桑.因工作關係,我很早已搬出來住,多年來享受自由自在的生活,但今天回想,我亦失去了和家人共聚的時間,亦沒有關心弟妺成長中遇到的困難.坦白說,我沒有盡兄長的責任,我為他/她們付出太少了.
無論外面遇到多少挫折,家人永遠都會給你最大的支持.新的一年來臨,我希望能夠為他/她們付出多點時間和關心.

我要娶老婆

今天閱報看了一段訪問,被訪者是一位住板間房,領取綜援的男仕.內容大約是環繞他的生活,詳情我已忘記了.但訪問到了最後,有幾句說話令我非常難忘.他說很羡慕弟弟可以乘家立室,生兒育女.希望自己遲些可以回大陸結婚,開枝散葉.我再看他報的年歲,是六十五.一個六十五歲的老人要維持自己的生活也有問題,還要妄想娶妻育兒?以往幾年,大部份家庭悲劇都發生在新移民身上.我們去埋怨社工,警察,埋怨政府緊縮資源,埋怨社會存在歧視.但我們怎麼沒有往源頭看看,是誰先帶來這悲劇的種子,是誰為滿足一己私慾而種下禍根,還要浪費納稅人的金錢.
香港,逐漸被蠶食了.

扭蛋

昨日見到好得意既扭蛋,但幾間七仔都比人掃哂,終於比我搵到一間有小量存貨.一套有六款,比我扭到四款.原來係mini扭蛋機,有好多detail位,仲有蛋可以扭出o黎.十蚊一個真抵玩.阿大melody見到開心到飛起,不枉我搵到身水身汗.

遺撼十二年

好耐以前有一段報導,一個美國人將自己個名輸入Google去search,發現一間孤兒院既資料內有自己個名,先知道佢係孤兒比人收養.我嘗試用呢個方法搵一個朋友,居然有佢宜家既相同工作地點.
91年認識,92年分開,95年重新開始,可惜只係維持左幾個月......當時年少衝動,講左唔應該講既說話,亦唔識去關心,珍惜呢個人.除左亡父,最放唔低就係佢.望住佢張相,十幾年既前塵往事即刻湧出黎.如果有日遇見,好想講聲對唔住.

潔手?口拿!

又有新野玩啦!而家唔玩洗手,玩潔手.係Ward入面無論你隻手掂過乜都要潔手,用alcohol卒二十秒,唔洗一日隻手又乾又鞋.又話世衛標準,又話新配方唔傷手,又話唔比戴手套做野.再卒多兩卒隻手甩皮又爛,到時肯定入哂箘.呀老細又話隔離Ward係全港潔手標準最高,係好榜樣,又乜又七.好啦!到左退体,又腰骨傷,又關節勞損,又爛手.班癈人一個idea,又有一班擦鞋仔配合,又同時打壓正義既聲音,攪到民不潦生.心淡.