灣仔古蹟

原來灣仔係有好多古樸口既建築物,但係好多都日久失修,有D甚至就口黎清拆.

古老口既建築,一磚一瓦都充滿感情,扶手上口既雕刻,露台上口既紋飾,木製樓梯,窗框,大門散發口既氣味同觸摸口既手感,盛載住多少人童年口既回憶.但係好可惜,回憶係賣唔到錢,只有用雲石地板,水晶吊燈,玻璃幕牆堆砌出口黎口既大廈,先可以滿足大部份唯利是圖口既行屍走肉.再過多十幾廿年,當週圍都係千篇一律口既高樓大廈,商場,戲院.我地口既回憶可以投射去邊?我地又有乜野可以同下一代分享?

2月14的啟示

情人節要返夜,本來都無乜所謂,但係今日有人同我講,話個original draft duty 比人私下改左,所以我先要night,誰是小人已不重要,心情亦無多大起伏.步入中年,對狗人狗事已變得麻木,若果以前的我,一定會尋根究底.自問對人不薄,至少無害過人,幫得到的我都會做.但人去到自已利益時,亦會犧牲他人利益,小事如此,大事又點呢?所以我成日講,呢D只不過係同事,並不是朋友.友誼並不是在工作地方建立的.

升到二萬五

又升,今日又升四百幾 正所謂神要你滅亡,必先使你瘋狂......聽日入乜貨好呢?

醜陋的中國人

唉!呀大陸人,白兔都有感覺 ga,一個連人都唔尊重口既國家,要教化佢地尊重動物 哈!我諗我會有機會做第一個華人美國總統,不過香港人都唔好得去邊,你估愛協每年救番幾多被遺棄動物
睇過本書講有人口係坑渠搵到一隻十幾日大口既貓,作者感概話:點解有人會將貓扔出街,就像丟垃圾一樣順手...... 有些人,就係攪唔清楚一個生命和一堆垃圾口既分別!

生命之誕生

屋企附近間茶餐廳有隻貓生左七隻貓仔,真係未聽過一胎可以有七隻,每隻都好得意,呀老細話佢地已經有人認頭,就快骨肉分離,睇過有本書講動物行為,話貓媽媽會在貓仔三至四個星期大時唔比D仔吮奶,有D甚至會打或咬去趕走佢地,目的係想佢地自己搵食,藉此汰弱留強,雖然好殘忍,但係物競天擇 適者生存,希望佢地可以投靠一戶好人家

貓之生活

貓好似人一樣有不同性格,習慣,表情
有人覺得佢地好冷漠,但係家中數貓大部份時間都好熱情,同佢地講野通常都會有回應,又會好主動接近你,希望佢地健健康康,快快樂樂

開Blog

~在友人鼓勵下,終於都開番個Blog,有個地方同人分享下感受,總好過自己屈死

~家有五貓,放工見到佢地真係乜野怒氣,悶氣都無哂